يـــــــــــــــــــــــــاحسرة ... سفلة

غناء النصري
ياحسرة في قلبي الجريح

مابان لي في دربك شعاع

كيفن بعد ريدة وحنان

آخر المطاف يبقي الضياع

اديني من زمنك زمن

قبال يحين وقت الوداع

بين يوم وليل ايه الحصل

وريني ما سبب النزاع

احلامك الكانن معاي

مالن بقن لوعة وصراع

وايامك العشقن صفاي

ياغالية ليه مرن ساع

خليني لي همي وشقاي

خلي اليكون قلبك شجاع

مهما يكون ردك صدود

لي حكمك الامر المطاع

باكر يجود تاني الزمان

يرحم يجيب سمح الطباع

والوقع المابيرضي زول

خلي اليروح مادام متاع

اخديهو من عابر كلام

هاك المفيد دون انصياع

القالك الريدة انتهت

في الريدة ما بر لو باع

والبيت بلا حن كيف يكون

ما دام اساس ساسو الخداع

والباني ريدو علي النفاق

في الريدة ما يجنيلو صاع