البناني .
عدد المساهمات : 226 نقاط : 16763 السٌّمعَة : 4 تاريخ التسجيل : 10/11/2009 الموقع : قلب المحبين الحنان
| موضوع: امونة .. غناء صديق احمد الخميس يناير 21, 2010 12:56 am | |
| [size=21]ساعة العصاري
الضل يمد فوق الجروف
يكسي التبيسات بالطرح
عين الشمس تنزل خجيلاني
وتكوع بين شجيرات البلح
الغيم ينقط من دموعو
علي الصفيقات السبح
تمونة تمسح من خديداتا
وتكون قوز قزح
نور عيوناً مابتشوف
غيرك سماح يا امونة
انت سمحنا بالشالنا وفتح
ياعز وجوها ضاحكي في عز الصباح
تلقانا بالرضا والفرح
يابت رجالا من وريدن
ومن جريدن
يلفو ضيفم بالقدح
انت المهيرة الفي ضراهم
ياضراهم قبلة الجاع والنزح
انت الزهيرة الفي نداهم
شاربة في خيراً طمح
انت عيدن
وضي قصيدن
يا ندي النيل النضح
انا شان بريدن
من قصيدن اقول وازيدن
اكيل عيون الزول غنا
امونة انت وحاة عيونك
طلة الخير والمني
امونة في فرح البلد
عقبال وفال وكلام هنا
رنة جبيري
خيط حريري
ونور هلال فوق الجنا
امونة حق ام العريس
مكمود ضريري مهجنة
ساعة يذوب غناينا
ونقنيق سلوكو يرطنا
امونة انت وحاة عيونك
طلة الخير والمني
ساعة يجو رايقين
عيون الفال تسالمنا
وتشيلنا تضمنا
يا امونة تتفتح مشاعرنا
ونقش عرق الجروف المننا
ونغني آه
وافرحة عيونك
تلهم الناس الفرح
واغربة الماحج في
فرحة عيونك وانجرح
عاشق انا وغناي
اوشوش للزمن
لمسات غناي وانا
حازم حكاوي الريد سنين
امونة جاشت من دموعي مسحنة
امونة انت وحات عيونك
طلة الخير والمني [/size] | |
|