الغيوم الراحلة ...... عثمان عوض

الغيوم الراحلة

شعر عثمان عوض ضرار
غناء طارق العوض

زى ركتك على قلبى بالعشق النبيل
ركت ...حمامتى ...على الهديل
يا .... زول حقيقى ..........ومستحيل
عينيك وحات عينيك سفر
بين الغيوم الراحله بالشوق للمطر
وانا فيها كايس للامان ما بين تجاويف الخطر
بين خوفى منك ولهفتى
وشجنى البزيد نار لوعتى
واشواق تنز فى العين سهر
**************
سكنت قلبى الغربه كيف
علمتو يمشى على رصيف الحيره كيف
يقنتو كيف انك رنين صوت ضحكتو وحزنو الوريف
*************
كان ...مطمئن
قلبى الموسد بالنعاس اصبح يئن
ويقول كلام زى الشعر
رومانسى للحد المهول
فى ليل دروبو بدت تطول
قلبى الموسد بالنعاس اصبح يئن
***********
سلمتك الخاطر مراكب وانت ريح
رسيها فى الشاطى المريح
قبل الجراح ما تبقى موج قاسى ولديح
قبل الصباح ما ينطفى ويكشح رمادو على العيون
والدنيا فى الآخر تكون .... لحظة جنون
يا زول حقيقى ومستحيل

» السؤال ..... عثمان عوض
» يا حالبة ... السر عثمان
» وطن واحد .... السر عثمان
» القلب الجريح ... السر عثمان
» جيتك وقيع ... السر عثمان