يوم حنتك ... عبدالله محمد خير

يوم حنتك ..
الضوء سطع فى الحله
والالـــوان زهــــــــــــــت
ماشفت زول بى بره
كيف لونو انبهت
وكت الصحاب فقدوهو
والانظار عليهو اتوجهت
عضٌ الصبر
لكن معالم الطيبة فيهو اتشوهت
زولا وحاتك
نفسو غيرك ما اشتهت
وما مصدق انو معاك حكاياتو انتهت
وبعدك حياتو اتجهجهت
يوم حنتك ..
ما شفت زول بى بره
شايل الليل الم
والناس جميع من حولو
زابو مع النغم
لملم جراحو الغايره للاهات كتم
وطول ليلو كان صامت
مع زول مانضم
يوم حنتك ..
ضاع الفكر
واحتار قليب كم غنى
وفيك قال الشعر
ساعة بقتلو الحفلة زى حلقة زكر
فيها ..
الدراويش ..
(( تبتهج ))