شهرزاد ... النصري

موضوع: شهرزاد ... النصري الأحد يناير 03, 2010 2:14 pm

[SIZE="5"]غناء النصري

الليلة صامت شهرزاد صامت ...

سكتت عن القول المباح

ياليلي طول زي ما تطول

مادام صباحي بلا صباح

خدمة يمين وعرق جبين

وشقي وكفاح

لهفة وحنين ريد بالسنين

الليلة في حق الله راح

روح ياقليب يمكن تطيب

رغم انو مابيجدي النواح

انت انجرحت جروح كتار

لكن دة ماهو جرح نصاح

عبراتي بي سن القلم

تنداح مع الحزن اندياح

وجراحي تتشايح نغم

حين تلقي في الاوتار براح

ناري المكتمة ما نضم

دخانا شيب في راسي لاح

خاب الرجاء المامول خلاص

واتقطعت كل الصلات

ورجعت من مشوار طويل

شائل رماد الامنيات

قولوا لي الله يعوضك

انبل غرام في الدنيا مات

هو الفاتني يتعوض متين
وانا عمري فات فيه الفوات

ليه في دروبك ياهوي

دائما حصادي الاغنيات

كل البينساني ويجور

جواي يعشعش ذكريات

والبي ياناس من جروح

يكفيني لاعند الممات

الماضي بي اسفو العريق

دمعي المترع فيه ساد

ياريتو لو يصبح دروس

ياقلبي دة المكتوب عليك

الآهة والنوح والسهاد

فرشاً مفرش بالجمر

كيفن يطيب فيه الرقاد

ضاق بي هواك صدر الحبيب

ضاقت بك الناس والبلاد

واصبحت في بحر الحزين

راحل رحيل السندباد

لاتاني عشمان في لقاء

لا لهفة سايقاك لي ميعاد

جرت المقادير بالفراق

رفع القلم وجف المداد

[/size]

» مشيت بعدك ... النصري فيديو